Nittartakkatigut kiffartuussissutit

Aatsitassanut akuersissutit pillugit

Aatsitassanut akuersissutit nunap immikkoortuinik aammalu aatsitassanik suliaqarnissamut akuersissutit pillugit paasissutissanut attuumassuteqartunik imaqarput. Paasissutissat portal.govmin.gl-imut aaneqarsinnaapput, tassanilu aamma aatsitassanut tunngasut paasissutissat ilanngullugit takuneqarsinnaallutik.

Illoqarfiit assingi pillugit

Teknikkikkut tunngaviusumik nunap assinga tassaavoq Kalaallit Nunaanni illoqarfiit nunaqarfiillu pisortatigoortumik teknikkikkut nunap assiliorneqarnerisa taaguutaat. Tassaavoq nunap ilusaata teknikkikkut-topografimik vektorkorti 3D-mi, fysiske objektit ersernerat/allaaserineqarnerat, kiisalu illut B- aamma Illu normuisa takussutissaat. Tunngaviusumik nunap assingani Kalaallit Nunaanni illoqarfiit nunaqarfiillu ilaapput ortofotomik nalinginnaasumillu nunap uuttortarneqarnera tunngavigalugit pissarsiarineqarlutik.

Teknikkikkut tunngaviusumik nunap assiliorneq nassuiarluarneqarsimavoq immikkuullarissullu aalajangersarneqarnerannut atatillugu pitsaassutsikkut ersarissumik anguniagaqarluni. Sumiiffiit tamarmik assigiinnerusumik nalunaarsorneqartalernissaannik tamatuma qulakkiissavaa.

Imermik pilersuineq pillugit

‘Tatsit qutsinnermiittut tassaapput tatsit nunap qaaniit nalinginnaasumik najugaqarfinnut imermik pilersuillutik kuuttut. Najugaqarfinni imermik pilersuinermi erngup pitsaassusaa illersorniarlugu sumiiffinni killilersuinerit Naalakkersuisunit aalajangersarneqartarput.

Killilersuiffiusut iluini sunik suliaqartoqarsinnaaneranut arlalinnik killilersuuteqarpoq, takuuk avatangiisit pillugit Inatsisartut inatsisaat.

Kommunimut pilersaarut pillugit

Kommunip ineriartornissaanut kommunimi pilersaarutit sammivilertarpaat.
Siunissami pilersaarusiornissanut takorluukkanut imaluunniit nunaminertanik atuineq ineriartortitsinissamulluunniit kommunip sinaakkusiussai, pilersaarutai pillugit paasisaqarnerorusutunut kommunip pilersaarutai kikkunnut tamanut sammitinneqarput.

Paasissutissat tassaapput kommunit pilersaarutaat kommunit ataasiakkaat pilersaarusiortarneri aqqutigalugit saqqummersinneqartut katersorneqarsimasut.

Najukkanut nalunaarsuiffi pillugit

Najukkamut nalunaarsuiffik nuna tamakkerlugu najukkanut nalunaarsuiffiuvoq, aqquserngullu aqqanik, illup normuanik, postnormunik aamma naleqqanik (koordinater), najukkap sumiinnera eqqortumik nunallu suaniinneranik takussutissalik paasissutissanik imalik.

Najugaqarfiit silaannakkut assilineri pillugit

Ortofoto tassaavoq timmisartumik assilisat ataatsimoortillugit assilisat, taakku geometriskimik eqqortumik aammalu assilisaq tamakkerlugu assigiimmik angissuseqalersinneqartoq. Assigiinnerusumik angissuseqarnissaa qulakkerneqarpoq aammalu nunap assingata portussusaanut assitaanut nalunaarsuutaalluni.

Taamaattumik Ortofoto nunap assingi allat aamma nunap immikkoortuinut paasissutissanik ilaqartillugit atorneqarsinnaavoq.

Nunaminertamik nalunaarsuineq pillugit

Kommunip Nunaminertamik atuisinnaanermut siunertaanut akuersissutit pillugit nunaminertamik nalunaarsuiffik qitiusumik paasissutissiiffiuvoq. Nunaminertap nunap suani inissisimanera, qanoq attuumassuseqarnera atuuffianullu siunertaa il.il. nalunaarsuiffimmut allattorneqassapput, nunatsinni nunaminertat inuiaqqatigiinnit pigineqarmata.

Nunap aqqi pillugit

Nunat aqqinik nalunaarsuiffik Kalaallit Nunaat tamakkerlugu nunat aqqinik 33.000-it missaanik imaqarpoq sumiiffinnut killilersugaasunik nassuiaasersukkamik. Akuersissutit taakku Kalaallit Nunaanni Nunat Aqqinik Aalajangiisartunit Inatsisartut inatsisaat tunngavigalugu pilersinneqartunit pisortatigoortumik atorneqartussanngortinneqarput.

Nunap ilusaata assinga pillugit

Kalaallit Nunaat sikoqanngitsoq, tassaavoq nuna tamakkerlugu annertussutsinut paasissutissat. Annertussutsimut paasissutissaq taanna sumiiffiit aqqinik, kurvenik,kortenik aamma skyggemodelinik, kiisalu paasissutissat datat allat soqutiginarsinnaasunik datanik taperlugit.

Nunap tunngavisup assinga pillugit

Skærmimi nunap assiga tassaavoq qarasaasiami toqqorsivik, paasissutissat soqutiginaatillit assigiinngitsut qarasaasiakkut qanillisillugu saqqummersinneqarsinnaasunngorlugit ineriartortinneqartarsimasoq. Nunap assinga illoqarfiit aamma nunat ammaannartut allanilu qatsissutsit pillugit paasissutissat tunngaviusumillu paasissutissanut nunap assinga ineriartortinneqarpoq. Nunap assingani ajornanngitsumik oqariartorneruvoq allanngorartumillu isikkoqarluni aammalu pingaarnertut web-applikationini assigiinngitsuni paasissutissanut allanut tunuliaqutaasutut atorneqarsinnaasutut ilusilersugaavoq.

Sumiiffiit illersukkat pillugit

Sumiiffiit illersugaasut nunap immikkoortuinik aammalu paasissutissanik sulianik Kalaallit Nunaanni aatsitassat pillugit inatsimmi aammalu Kalaallit Nunaanni aatsitassanut tunngatillugu suliaqarnermut nalunaarusiornermullu maleruagassanut malittarisassiorneqarsimasunut ilisimatuussutsikkut nalilersuinissamut paasissutissanik imaqartumik. Suleqatigisat allat, ilaatigut pisortat ingerlatsivii, akuersissutinik pigisaqartut taakkulu siunnersortaat, NGO-t suleqatigisat soqutiginnittut allat paasissutissat namminneq pisariaqartitatik naapertorlugit atorsinnaavaat.